Amerıkalyq qazaq polıtseı alǵash ret Astanadaǵy kásibı boks keshinde judyryqtasady
ASTANA. QazAqparat - Nıý-Iork polıtsııasynda jumys istep júrgen qazaqtandyq Dımash Nııazov kásibı bokspen de aınalysady. Astanada ótetin Qanat Islamnyń jekpe-jegi aıasynda Dımash alǵash ret óz elinde óner kórsetpekshi, dep habarlaıdy QazAqparat tilshisi «Habar 24» arnasyna silteme jasap.
«Men elimdi, jerimdi qatty saǵyndym. Qudaı qalasa, taǵy baramyn. Jaqynda Astanaǵa baryp keldim. Shyny kerek, elordamyz qatty ózgerdi. Qala qulpyryp ketti. Aldaǵy ýaqytta Astanaǵa taǵy baramyn. Sebebi EKSPO aıasynda qyrkúıekte meniń jekpe-jegim bolady. Qanat Islammen birge óner kórsetemin. Ol jekpe-jek Qazaqstanda alǵash ret uıymdastyrylady», - deıdi Dımash Nııazov.
Onyń aıtýynsha, bokspen bala kezinen aınalysyp keledi. Al Nurǵalı Safıýlın onyń alǵashqy bapkeri bolǵan.
Aıta keteıik, jaqynda Dımash Nııazov esirtki baronyn ustaǵany úshin Nıý-Iork polıtsııasynyń arnaıy nagradasyna ıe boldy. Al Detroıtta ótken sońǵy jekpe-jekte qazaqstandyq boksshy óz qarsylasyn nokaýtpen jeńdi.
