Amerıkalyq qańǵybastyń qaıyr tilep alǵan 100 dollaryn qaıda jumsaǵany blogerlerdi tańǵaldyrdy - VIDEO
ASTANA. QazAqparat - Los-Andjelestegi beınebloger Djosh Peler Lın áleýmettik zertteý júrgizbekshi boldy. Ol qaıyr tilep otyrǵan úısiz-kúısiz Tomasqa 100 dollar beredi.
Sóıtip onyń aqshaǵa ne satyp alatynyn bilmekshi bop, artynan ańdıdy.
Qańǵybas aqshasyn ishimdikke jumsamaı, kóp qylyp azyq-túlik satyp alady. Sóıtip ony óz sııaqty úısiz júrgenderge taratady. Tań qalǵan avtor oǵan taǵy 100 dollar beredi de, onyń kóshede júrýine ne sebep bolǵanyn suraıdy. Tomas naýqas ata-anasyn baǵý úshin jumystan shyǵyp ketken eken. Olar qaıtys bolǵan soń, er adam úıinen aıyrylyp, qańǵyp qalǵan.
Bul jaǵdaıdy estigen bloger Tomastyń ómirdi jańadan bastaǵanyn qalap, Jelide qarajat jınaý naýqanyn qurady. Jınalǵan qarajat málimdelgen somadan jeti esege asyp túsip, 75 myńǵa jýyq dollardy qurady. Naýqan aıaqtalýǵa áli 28 kún bar.
