Amerıkalyq ınternet-gıgant Google-diń aktsııalary buryn-sońdy bolmaǵan deńgeıge jetti
ASTANA. 17 mamyr. QazAqparat - Amerıkalyq ınternet-gıgant Google-diń aktsııalary buryn-sońdy bolmaǵan deńgeıge jetip, 900 dollar shekten asyp tústi.
Sársenbi, 16 mamyrdaǵy saýda sessııasy barysynda kompanııanyń baǵaly qaǵazdary 3,3%-ǵa ósti. Bul týraly Qazaqstannyń Halyqtyq IPO baǵdarlamasynyń resmı saıty habarlady.
Ósim San-Frantsıskoda Google I/O konferentsııasynyń alǵashqy kúni ótip jatqan kezde boldy, onda Google birneshe jańa servısterdiń iske qosylýyn tanystyrǵan bolatyn. Osy jyldyń basynan beri IT-gıgant aktsııasy 30%-ǵa qymbattady.
Sol kúni AQSh-tyń qor ındeksteri rekordtyq shekti jańartty. Saýda jabylǵanda S&P 500 1658 pýnktke deıin, Dow Jones - 15275 pýnktke deıin, joǵary tehnologııaly NASDAQ - 3471 pýnktke deıin joǵarylady. Sarapshylar bul ósimdi AQSh federaldyq rezerv júıesiniń ekonomıkany yntalandyrýdy jalǵastyratynymen túsindiredi.
