Amerıkalyq fotograf eki basty jylandy sýretke túsirip aldy (FOTO)
ASTANA. QazAqparat - Kanzastyq fotograf Djeıson Tolbott eki basty jylandy sýretke túsirdi, dep jazady Bı-Bı-Sı agenttigi.
Jylandy Tolbottyń dostary taýyp alǵan. Ony estigen fotograf baýyrymen jorǵalaýshyny sýretke túsirýge asyqqan.
«Men jylannyń túr-túrin sýretke túsirgendi jaqsy kóremin. Qazirdiń ózinde men olardyń júzdegen túrlerin túsirdim. Tipti keıbiri meni shaǵyp alǵan bolatyn. Bir jaqsysy olar ýly jylan emes bolatyn», - deıdi fotograf.
Eki basty jylannyń bir basy ekinshisine qaraǵanda yzaqorlaý bolǵan.
Tabıǵatta eki basty jylandar kezdesedi, alaıda olar birneshe aı ǵana ómir súredi.
«10 myń jylannyń ishinde bir jylan eki basty bolyp jaralady. Alaıda bul naqty derek emes óıtkeni olar adam kózine túse bermeıtin tirshilik ıeleri. Alaıda qos basty jylannyń ǵumyry qysqa», dep túsindiredi fotograf. 
