Amerıkalyq «Fite.tv» Qanat Islamnyń Astanadaǵy aıqasyn onlaın kórsetedi

ASTANA. QazAqparat - Elorda tórinde 9 qyrkúıek kúni ótetin kásipqoı boks keshin amerıkalyq «Fite.tv» ınternet-arnasy tikeleı efırden kórsetedi. Bul týraly búgin baspasóz máslıhaty barysyna Qanat Islamnyń bapkeri kishi Nelson Djýnıor málim etti, dep habarlaıdy «QazAqparat» HAA tilshisi.

«Qanat Islam men Brendon Kýk kezdesedi degen aqparat taraǵannan keıin Amerıkadan qońyraýlar túse bastady. Bul kezdesýdi Amerıkada kórsetý týraly suranystar keldi. Osylaısha, olardyń tilekteri boıynsha bul aıqastar tanymal «Fite.tv» ınternet-kanalynda kórsetiletin boldy. Sonymen qatar, TVtibi jáne Flipps qosymshasynyń myńdaǵan qoldanýshysy jekpe-jekterdi tamashalaı alady», - deıdi Qanattyń bapkeri.

Eske sala ketsek, 9 qyrkúıekte elordadaǵy «Saryarqa» velotreginde kásipqoı boks keshi uıymdastyrylady. Sol kúni Qanat Islam men kanadalyq Brendon Kýktyń kópten kútken aıqasy ótkizilmek. Keshtiń anderkartynda JańqoshTurarov, Jánibek Álimhanuly, Meıirim Nursultanov, Rýslan Myrsataev, Álı Ahmedov, Aıdos Erbosynuly, Dımash Nııazov pe Rýslan Janabaev sharshy alańǵa shyǵady. Búginde qazaqstandyq barlyq boksshylardyń qarsylastary belgili.