Amerıkalyq fermerler sıyrlaryn jyly kıindirip jatyr - VIDEO
ASTANA. QazAqparat - Amerıka fermerleri úı janýarlaryn qystan aman alyp qalý úshin jyly kıindirip jatyr, dep jazady «MIR 24» arnasy.
Kúnniń qatty sýytýyna baılanysty olar maldaryna arnaıy termokıimder tiktirip, kıindirip qoıǵan. Bul arnaıy kıimder janýarlardyń arqalaryn tolyq jaýyp turady. Sıyrlarǵa tipti baskıim de kıgizip qoıǵandar bar.
Al meteorologtar bolsa, boran soǵyp, jel kúsheıedi dep dabyl qaǵýda. Jeldiń kúshi saǵatyna 90 shaqyrymnan asady dep boljanyp otyr. Qatty jel amerıkalyq agrarlyq keshenderge óz kesirin tıgizýi múmkin.
