Amerıkalyq Explorer of the Seas kemesiniń 300-den astam jolaýshysy belgisiz ınfektsııa juqtyrǵan
ASTANA. 26 qańtar. QazAqparat - Qazirgi sátte Karıb teńizinde júzip júrgen Royal Caribbean amerıkalyq kompanııasynyń teńiz saıahatyna shyqqan laıneriniń 281 jolaýshysy men 22 ekıpaj múshesi belgisiz ınfektsııa juqtyrǵan. Bul týraly jergilikti BAQ ókilderi habarlaıdy, dep jazady ITAR-TASS.
AQSh-tyń Aýrýlardyń aldyn alý jáne baqylaý ortalyǵynyń mamandary ázirge jolaýshylardyń qandaı aýrý juqtyrǵanyn naqty anyqtaı almaı otyr. Jalpy, kemede barlyǵy 3050 jolaýshy men 1165 ekıpaj múshesi bar. Dárigerler naýqastardy jeksenbi kúni olar Sent-Tomas aralyna jetken kezinde ǵana tekserýden ótkize alady.
Osydan sál ýaqyt buryn atalmysh keme saıahatyn toqtatyp, Florıda shtatyndaǵy Maıamı qalasynyń aılaǵyna qaıtýǵa májbúr bolǵan edi. Onda da teńiz kóliginiń jolaýshylar jappaı norovırýs aýrýymen syrqattanyp qalǵan. Sol kezde kemedegi 2844 jolaýshy men komanda múshelerinen 70-ke jýyq adam naýqasqa shaldyqqan bolatyn.
