Amerıkalyq esmınets Sıngapýr jaǵasynda saýda kemesimen soqtyǵysty
ASTANA. QazAqparat - AQSh-tyń Áskerı-teńiz kúshteriniń zymyran esmınetsi «Djon Makkeın» Sıngapýr jaǵasynda Malakka buǵazy jaǵynda saýda kemesime soqtyǵysty, dep habarlady Reuters agenttigi.
Esmınets Alnic MC tankerimen Sıngapýr portyna kire bergende soqtyǵysty.
«Bastapqy derek boıynsha, «Djon Makkeın» áskerı kemesiniń artqy jaǵy zaqymdandy», - dep naqtylady AQSh ÁTK jetinshi flotynyń baspasóz qyzmeti. Qazirgi sátte oqıǵa ornynda izdeý-qutqarý jumystary júrip jatyr. Operatsııaǵa jergilikti bılik te qatysýda.
Aıta keterligi, Alnic MC lıberııalyq tanker, ol munaı jáne hımııalyq ónimderdi tasymaldaý úshin paıdalanylady. Onyń syıymdylyǵy shamamen 51 myń tonna. Ázirge zardap shekkender men onyń qorshaǵan ortaǵa keltirilgen zalal kólemi týraly aqparat joq.
