Amerıkalyq Dısneılendke 22 jyl burynǵy bıletimen kirdi
ASTANA. QazAqparat - 27 jastaǵy amerıkalyq Chelsı Herlaın (Chealsea Herline) AQSh-tyń Florıda shtatyndaǵy Disney World oıyn-saýyq parkine oǵan syıǵa berilgen 1994 jylǵy bıletpen kirdi, dep habarlaıdy Upworthy basylymy.
Oıyn-saýyq ortalyǵynyń ákimshiligi qyzdyń tórt jasynda aýyryp qalyp tolyq paıdalana almaǵan bıletin áli kúnge deıin jaramdy dep tapty.
Chelsıge tórt jasynda ákesi Disneyland parkine tórt kúndik bılet satyp áperedi. Alaıda qyz aýyryp qalyp bılettiń sońǵy kúni paıdalanylmaıdy. Arada 22 jyl ótken soń Chelsıdiń ákesi seıf túbinde qalyp qoıǵan bıletti taýyp alyp, ataqty park jaqyn ornalasqan Orlandoǵa bara jatqan qyzyna beredi.
Qyz parkke kelgende bılet tekserýshiler eski bıletti kórip tań aqalady. Alaıda Disneyland ákimshiligi bılet óz qunyn joǵaltpaǵandyǵyn málim etip, onyń jańasyn qyzǵa tabys etedi de qyzdy oıyn-saýyq ortalyǵyna kirgizgen.
