Amerıkalyq dıplomattardyń januıalaryna Ystambuldan ketý tapsyryldy
ASTANA. QazAqparat - AQSh Memlekettik departamenti Ystambuldaǵy bas konsýldyqta jumys istep jatqan dıplomattardyń otbasylaryna qaladan ketýdi tapsyrdy.
Tıisti eskertý vedomstvo saıtynda jarııalandy, dep habarlaıdy QazAqparat Lenta.ru-ǵa silteme jasap.
Mundaı sheshim Ystambul aýdandarynda amerıkalyq azamattarǵa ekstremıstik toptardyń shabýyl jasaý qaýpiniń artýyna baılanysty qabyldanǵany aıtylyp otyr. Bul sheshim Túrkııadaǵy ózge dıplomatııalyq ókildikterge emes, naqty Ystambulda ornalasqan bas konsýldyqqa qatysty.
Vedomstvo sońǵy kezderi oryn alǵan lańkestik shabýyldardy eske saldy. Sondaı-aq olar Túrkııa bıligi ýaqytsha ustaýǵa alynǵan nemese tutqyndalǵan amerıkalyqtardyń konsýlmen baılanysý quqyǵyna tosqaýyl bolyp otyrǵanyn nemese onyń keshiktirilýine jol berip jatqanyn atap ótti.
