Amerıkalyq bıznesmen V. Hrapýnov pen Ábilázovtiń aqshasynyń izin jasyrǵany úshin aıyptalyp otyr
ASTANA. QazAqparat - The Real Deal veb-portalynyń habarlaýynsha, amerıkandyq bıznesmen jáne Chetrit Group kompanııasynyń teń ıesi Djo Chetrıt Qazaqstannan eki sybaılasymen birge uıymdasyp, aqshanyń izin jasyrýdyń halyqaralyq kestesine qatysty dep aıyptalyp otyr.
Atalǵan kesteniń aıasynda Chetrıt Almatynyń burynǵy ákimi Vıktor Hrapýnov pen «BTA Bankiniń» burynǵy basshysy Muhtar Ábilázovtiń Nıý-Iork qalasynda jyljymaıtyn múlikti satyp alýyn uıymdastyryp, sol arqyly 40 mıllıonǵa jýyq dollardy jylystatýǵa kómektesti. Dúısenbi kúni bank pen Almaty qalasy Manhetten sotyna aryz berdi.
Blýmberg agenttiginiń málimetterinshe, Ábilázov pen Hrapýnov zańsyz jolmen, jalpy alǵanda 4 mıllıard AQSh dollaryn jymqyryp, elden qashyp ketti.
Jalǵan kompanııa quryp, jemqorlar Chetrıttiń tikeleı kómegimen urlanǵan qarajattyń shaǵyn bóligin Nıý-Iorkte qonaqúı men medıtsınalyq ortalyqty satyp alýǵa salǵan.
Chetrit Group kompanııasynyń qaladaǵy jetekshi qurylysshy kompanııalar men ınvestorlardyń biri ekenin atap ótý kerek.
