Amerıkalyq basylym Aqtaýdy týrıster úshin eń qyzyqty qalalardyń tizimine engizdi
ASTANA. QazAqparat - Amerıkalyq basylym Aqtaýdy týrıster úshin eń qyzyqty qalalardyń tizimne engizdi, dep jazady tumba.kz.
«The Huffington Post» basylymy Qazaqstandaǵy Aqtaý, Almaty jáne Astana qalalary týrıster úshin eń qyzyqty qalalar bolyp tabylatyndyǵyn jazǵan. Basylymda kórsetilgen málimetterge qaraǵanda, týrıster bul qalalardy ádette ózderiniń nazarlaryna kóp ala bermeıdi.
Materıalda jarııalanǵan málimetterge qaraǵanda, Aqtaý Kaspıı teńiziniń jaǵalaýynda ornalasqan munaı ónerkásibi ortalyǵy bolýymen tartymdy. Sonymen qatar atalmysh qala jergilikti turǵyndar úshin sýǵa túsip, shomylýǵa eń yńǵaıly aımaqtardyń biri.
Buǵan qosa habarlamada Almatynyń týrıster úshin kıim-keshek bazarlarymen, saýda ortalyqtarymen, ádemi meıramhanalarymen jáne arhıtektýralyq nysandarynyń kóptigimen tartymdy ekendigi aıtylǵan.
Astana bolsa, týrısterdi óziniń erekshe ásem arhıtektýralyq kórkimen eriksiz tarta túsedi.
Aıta keteıik, Aqtaý osyǵan deıin daǵystandyq kásipkerler daıyndaǵan Mahachkala - Derbent - Baký - Enzelı - Túrkmenbasy - Aqtaý - Astrahan - Mahachkala baǵyty boıynsha ótetin «Kaspıı - dostyq teńizi» atty 9 kúndik saıahattyń jobasyna engizilgen bolatyn.
