Amerıkalyq bapker Golovkınge shamasy jetetin boksshylardy atady
ASTANA. QazAqparat - Tanymal amerıkalyq bapker Robert Garsııa Gennadıı Golovkınniń sporttyq jolynda ony súrindirýge shamasy jetedi degen boksshylardy atap ótti, dep habarlaıdy Sports.kz.
«Men GGG-dy Hılberto [Ramıres] jeńe alady dep oılaımyn. Ol orta salmaqtaǵy óte myqty boksshy. Ózine tán keremet daǵdylary men stıli bar, sondaı-aq ol solaqaı. Eger ol ekeýi aıqassa, Ramıres basym túsedi dep oılaımyn. Sonymen qatar, bolashaqta Kanelonyń da Golovkındi jeńetinine senimdimin. Olardyń jekpe-jegi kelesi jyly ótýi múmkin. Kezdesý bolǵan jaǵdaıda, Kanelo Golovkındi jeńedi», - dedi Garsııa Dontae's Boxing Nation-ge bergen suhbatynda.
