Amerıkalyq BAQ: Sırııada operatsııa kezinde basyna 7 mln. dollar tigilgen «IM» basshylarynyń biri óltirildi
ASTANA. QazAqparat - «Islam memleketi» ekstremıstik tobynyń joǵary jetekshileriniń biri Sırııa aýmaǵyndaǵy AQSh áskeriniń operatsııasy barysynda óltirildi, dep habarlady amerıkalyq BAQ.
NBC arnasynyń aqparatyna sáıkes, Abdýl Rahman Mýstafa ál-Kadýlı men Hadjı Imam atymen tanymal sodyr naýryzdaǵy operatsııa barysynda óltirildi.
Budan buryn AQSh bıligi Kadýlıdiń qaıda ekeni jaıly aqparat bergenderge 7 mln dollar kóleminde syıaqy taǵaıyndaǵan.
Kadýlı IM-da dárejesi jaǵynan ekinshi basshy sanaldy. Top basy Abý Bakr al-Bagdadı ózi jáne óziniń ornalasqan menkenjaıy týraly aqparatty ashpaýǵa tyrysady. IM-niń kóptegen sodyrlary ony betpe-bet kórmegen.
