Amerıkalyq BAQ: «Meıvezer sporttyq mansabyndaǵy sońǵy kezdesýinde Golovkınmen shyqsa, óz bedelin úlken táýekelge tigedi»
ASTANA. QazAqparat - Amerıkanyń BleacherReport.com saıty Floıd Meıvezer men Mennı Pakıaonyń jekpe-jegin talqyǵa saldy, sondaı-aq amerıkalyqtyń sporttyq mansabyndaǵy sońǵy aıqasyna onymen shyǵýy múmkin qarsylastardy sanamalap shyqty. Olardyń biri jáne biregeıi orta salmaqtaǵy WBA/IBO álem chempıony Gennadıı Golovkın boldy, dep habarlady Sports.kz.
Halyq Gennadıı Golovkındi tańdaýy múmkin. Qazaqstandyq jeńimpaz 32 kásibı jekpe-jektiń 29-yn nokaýtpen utty. Liverpool Echo sarapshysy Greg Okıf Golovkınniń erekshe tehnıkalyq sheberlikti meńgergendigin aıtyp ótti.
«Qazirgi bedelin táýekelge salyp, Meıvezer sońǵy jekpe-jegin Golovkınmen ótkizetin bolsa, Gennadıı osal qarsylas bolmasy anyq», - dep jazady saıt.
