Amerıkalyq azamat bir kúnde lotereıadan $5 mln, $500 jáne $100 utty
ASTANA. QazAqparat - Nıý-Djersı shtatynyń turǵyny Robert Stıýart bir kúnde 5 mln dollar kóleminde djekpot, odan keıin lotereıadan taǵy 500 jáne 100 dollar utqan. Bul týraly seısenbi kúni UPI agenttigi habarlady.
Amerıkalyq azamat birden birneshe lotereıa bıletin satyp alyp, dúkende júrgende-aq 5 mln dollar utqanyn anyqtaǵanyn aıtty. Ol bıletin qaıta tekserý úshin lotereıa qyzmetkerine barǵan. Olar aıaq astynan baılyqqa kenelgen Stıýartty quttyqtady. Bir qyzyǵy, budan keıin ol taǵy eki bılet satyp alǵan, olar da júldeli bolyp shyqty - bireýi 500 dollar, ekinshisi - 100 dollar utys ákeldi.
Eske sala ketsek, AQSh tarıhynda rekordtyq djekpot (1,59 mlrd dollar) 2016 jyldyń qańtarynda Powerball-da oınatylǵan. Onda syılyq úsh júldeli bılettiń ıeleri arasynda bólindi. Bul bıletter Tennesı, Kalıfornııa jáne Florıda shtattarynda satylǵan.
