Amerıkalyq áýe apaty saldarynan ata-anasynan aıyrylǵan balalarǵa 300 myń som aýdardy
ASTANA. QazAqparat - 18 jyldan beri Amerıkada turyp jatqan Qyrǵyzstan týmasy Valerıı Fedorenko Dacha SÝ aýylynda oryn alǵan qaıǵyly jaǵdaı saldarynan ata-anasyz qalǵan balalarǵa 300 myń som (1,4 mln tenge) berdi, dep habarlaıdy KABAR.
«Kómektesý ońaı» qoǵamdyq qorynyń atqarýshy dırektory Dınara Alıaeva habarlaǵandaı, bul qarjyny www.gofundme.com kraýdfandıngtik platformada Fedorenkonyń jankúıerleri jınaǵan.
«Sultan Abakırov pen Jakshylyk Sheralıevtyń - áýe apaty kezinde ata-anasynan aıyrylǵan eki balanyń atasyna 97 myń somnan berildi. Sonymen qatar, anasyn joǵaltqan N. Mırlan ýlý 97 myń som aldy», - dedi Dınara Alıaeva.
Qarjylar balalardyń shottaryna aýdaryldy. Bul aqsha kámelettik jasqa tolǵanǵa deıin qoldanylmaıtyn bolady.
Eske salaıyq, 2017 jyldyń 16 qańtary kúni Qyrǵyzstanda «Boıng-747» júk ushaǵy apatqa ushyrady. Ushaq qulaǵan aýyldyń turǵyndary zardap shekti. Barlyǵy 39 adam, sonyń ishinde ekıpajdyń 4 múshesi qaza tapty.
