Amerıkalyq astronavtar orys tilin meńgeretin boldy
ASTANA. 7 qazan. QazAqparat - Amerıkalyq ǵarysh mekemesi (NASA) barlyq bolashaq astronavtardan ashyq ǵaryshqa shyǵý áreketterin jetildirý men ǵarysh kemesin ushyrýdy úırený jattyǵýlarynan bólek, orys tilinde sóıleı jáne jaza bilýlerin talap etýde.
NASA-da kandıdattardy astronavtyqqa daıyndaý qyzmetine jaýap berýshi Dýeın Rosstyń aıtýynsha, ǵarysh mekemesiniń jańa talaptaryna sáıkes, endi barlyq astronavtar orys tilin bilýge mindetti, dep habarlaıdy ITAR-TASS.
«Reseı ǵarysh agenttigimen tyǵyz serkitestigimizge baılanysty endi barlyq amerıkalyq astronavtar orys tilinde sóıleı bilýleri kerek», - dep túsindirdi Ross Fox News telekompanııasyna bergen suhbatynda.
