Amerıkalyq 35,4 shaqyrymdy 1 tonna kirpish artylǵan qaıyqty súıretken kúıi júzip ótti
VAShINGTON. 9 tamyz. Amerıkalyq sportshy Djım Draıer AQSh pen Kanadanyń shekarasyndaǵy Sent-Kler kólinde 35,4 shaqyrymdy 334 kirpish salynǵan jalpy salmaǵy 1 tonna bolatyn eki kishkene qaıyqty súıretken kúıi júzip ótti.
Akýla degen laqap aty bar 49 jastaǵy Djım Draıer júzýdi Mıchıgan shtatyndaǵy Algonak qalasynda bastap, sýdan Detroıt qalasynda shyqty. 30 saǵatqa josparlanǵan júzý 51 saǵatqa sozyldy. Sportshy esh kómeksiz jeke ózi júzdi. Alaıda onyń súırep júrgen qaıyqtarynyń birine jerseriktik habarlaǵysh ornatylǵan. Biraq ol Draıerdiń saparyn baqylaǵysy kelgender úshin ornatylǵan.
"Bul aktsııanyń maqsaty - az qamtylǵan adamdarǵa úı salýmen aınalysatyn Habitat for Humanity qaıyrymdylyq uıymyn jarnamalaý" ,-deıdi ol.
