Amerıkalyqtarǵa tólqujattarynda «H» jynysyn qoldanýǵa tyıym salyndy

ASTANA. KAZINFORM — AQSh-tyń saıasaty adamnyń jynysyn ózgertýge tyıym saldy, dep habarlaıdy Daily Mail basylymy.

Memlekettik hatshy Marko Rýbıo Memlekettik departamentke jynysyn «H», ıaǵnı ózderin genderlik-ózgermeli dep sanaıtyndardyń barlyq tólqujat ótinimderin toqtatýdy buıyrdy.

— Qurama Shtattar saıasatyna sáıkes adamnyń jynysyn ózgertýge bolmaıdy, — delingen memlekettik hatshynyń mınıstrlik qyzmetkerlerine arnalǵan elektrondyq hatta.

Rýbıo resmı úkimettik qujattarda, sonyń ishinde tólqujattar men shetelde týý týraly konsýldyq esepterde adamnyń «genderi» emes, «jynysy» jazylýy kerek dep talap etti. 

Prezıdent Donald Tramp dúısenbide tólqujattardy uzartý kezinde olarǵa túzetýler engizýdi talap etetin jarlyqqa qol qoıdy.

Tramptyń buıryǵy Іshki qaýipsizdik mınıstrligi men Kadrlyq saıasat basqarmasyna da qatysty, olar jynysty ataý kezinde kez kelgen tolyqtyrýlardy alyp tastap, memlekettik qujattardy túzetýi tıis. Bul áleýmettik qamsyzdandyrý kartalaryna, júrgizýshi kýálikterine jáne basqa memlekettik sáıkestendirý kartalaryna áser etýi múmkin.

Jynys boıynsha «H» belgisi Djo Baıdenniń prezıdenttigi tusynda, Memlekettik hatshy Entonı Blınkenniń basshylyǵymen jasalǵan.