Amerıkalyq zertteýshi 1927 jylǵy qazaq dalasynyń sırek sýretterin jarııalady
ASTANA. KAZINFORM – Garvard ýnıversıtetiniń Arheologııa jáne etnologııa mýzeıi 1927 jyly túsirilgen qazaq dalasynyń biregeı fotosýretterin Kazinform agenttigine usyndy.
Bul sırek kadrlar HH ǵasyrdyń basyndaǵy qazaq halqynyń áleýmettik ómiri men kúndelikti turmys-tirshiliginen syr shertedi.
Bul fotojınaqty kezinde Іle aımaǵyna, qazirgi Qytaıdyń Shyńjań provıntsııasyna saıahat jasaǵan amerıkalyq shyǵystanýshy ári jazýshy Oýen Lattımor túsirgen.
Eske sala keteıik, buǵan deıin Kazinform 105 jyldyq mereıtoıy aıasynda 1929 jyldan bastalatyn biregeı fotoarhıvin qalpyna keltirgen edi.
