Amerıkalyq telekompanııa Charlı Kırkti óltirý jáne Tramp jaqtastary «bandasy» týraly sóz úshin shoýdy efırden alyp tastady

ASTANA. KAZINFORM – Amerıkalyq ABC telekompanııasy júrgizýshi Djımmı Kımmeldiń keshki baǵdarlamasyn efırden alyp tastady. Oǵan Tramptyń jaqtastary jastar konservatıvti qozǵalysynyń qaıratkeri jáne Donald Tramptyń seriktesi Charlı Kırkti óltirý taqyrybyn paıdalanyp jatyr degen sózi sebep bolǵan, dep habarlaıdy VVS. 

- Jimmy Kimmel Live baǵdarlamasy belgisiz ýaqytqa toqtatyldy, - dep málimdedi Disney korporatsııasyna tıesili ABC kompanııasynyń baspasóz qyzmeti.

Osy aptanyń basynda Djımmı Kımmel efırde «MAGA bandysy», ıaǵnı Tramp jaqtastary Kırkti óltirýden saıası upaı jınaýǵa tyrysty dep málimdedi.

- MAGA bandysy Charlı Kırkti óltirgen bul jigitti kim bolsa ol bolsyn, biraq olardyń biri emes retinde kórsetýge tyrysyp otyr jáne olar saıası upaı jınaý úshin qoldan kelgenniń bárin jasaıdy, - dedi júrgizýshi.

Budan basqa, ol Tramptyń Kırkti aza tutý úshin eldegi memlekettik ǵımarattardaǵy týlardy túsirý týraly buıryǵyn synap, Tramptyń ózi týraly mazaq etetin pikirler aıtty.

Buǵan deıin AQSh saıasatkeri Charlı Kırktiń ólimine qatysty jańa derekter jarııalanǵanyn jazǵan bolatynbyz.