Amerıkalyq mýzykant «Adaı» kúıin oryndady

Respýblıka kúnine oraı «Qazaqkontsert» memlekettik kontserttik uıymynda «Bizdiń jármeńke» atty merekelik kontsert ótti.

Kesh barysynda halyq ánderi men kúıleri oryndalyp, jyr-termeler shyrqalyp, ulttyq bıler usynyldy.

Sahnada Qazaqstannyń eńbek sińirgen qaıratkerleri Nurjan Janpeıisov, kúıshi-zertteýshi Aıtolqyn Toqtaǵan, «Qyzdar» ansambli men «Shalqyma» bı ansambli jáne basqa da ónerpazdar óner kórsetti.

Kontserttiń erekshe sátteriniń biri — AQSh-tan kelgen áýesqoı mýzykant Djefftiń dombyramen Qurmanǵazynyń áıgili «Adaı» kúıin oryndaýy boldy. Onyń óneri kórermenderdiń ystyq yqylasyna bólenip, qazaqtyń kúı ónerine shetelde de qyzyǵýshylyq joǵary ekenin kórsetti.

Mádenıet jáne aqparat mınıstrligi málimetinshe, «Bizdiń jármeńke» kontserti ulttyq mádenı murany dáriptep, dástúrli óner men zamanaýı shyǵarmashylyqty toǵystyrdy.

Shakıranyń Qyrǵyzstandaǵy kontsertine qansha týrıst barǵanyn jazǵan edik.