Amerıkalyq Lindsay Corporation Qazaqstanda ırrıgatsııalyq jabdyqtardy qurastyrýmen aınalyspaq
ASTANA. KAZINFORM - Aýyl sharýashylyǵy vıtse-mınıstri Ermek Kenjehanuly Lindsay korporatsııasynyń prezıdenti Oberto Gýstavomen kezdesý ótkizdi, dep habarlaıdy QR AShM baspasóz qyzmeti.
Ermek Kenjehanuly mınıstrliktiń aldynda aýyl sharýashylyǵy ónimderiniń jalpy kólemin, onyń ishinde qazirgi zamanǵy tehnıkalyq sýarý quraldaryn engizý arqyly ulǵaıtý mindeti turǵanyn atap ótti.
«Sizdiń kompanııańyz usynatyn sýarý, ınfraqurylym jáne ónerkásiptik tehnologııalar salasyndaǵy ınnovatsııalyq ınjenerlik sheshimder biz úshin úlken qyzyǵýshylyq týdyrady. Olardy paıdalaný agroónerkásiptik keshenniń damýyna jaǵymdy áser etedi. Biz osy baǵytta yntymaqtasýǵa daıynbyz», - dedi vıtse-mınıstr.
Óz kezeginde Oberto Gýstavo búginde kompanııa Lindsay jabdyqtaryn Qazaqstan aýmaǵynda qurastyrý jáne oqshaýlaý jónindegi jobany iske asyrý máselesin qarastyryp jatqanyn atap ótti.
Kezdesý barysynda jobanyń iske asyrý boıynsha máseleler talqylandy.
