Amerıkalyq kovboılar qazaqstandyq shabondazdarǵa tótep bere almady
ASTANA. KAZINFORM – Astanada ótip jatqan V Dúnıejúzilik kóshpendiler oıyndarynda kók bóriden irikteý oıyndary ótip jatyr.
Amerıkalyq kovboılarmen tartysqa túsken Qazaqstan qurama komandasy 18:0 esebimen oısyrata utty.
«Daıyndalǵan taktıkamyz boıynsha oınap shyqtyq. Amerıkalyq qarsylastar qazandyqqa kóp úırenbegendikten artta qalyp qoıdy. 7-8 jyldan beri qazandyqta daıyndalyp júrmiz. Kókpar men kók bóriniń kóp aıyrmashylyǵy joq, biri qazandyqta, biri jerde oınalady. Kók bóri de qazandyqqa soǵylyp jaraqat kóp alyp jatady. Aldaǵy negizgi qarsylasymyz árıne Qyrǵyzstan komandasy. Olarmen oıynymyz búgingi oıynnan ózgeshe bolady dep oılaımyn», - deıdi kók bóriden QR quramasynyń kapıtany Asqar Ońǵarbaev.
Kók bóri – Qyrǵyz halqynyń jaýyngerlik at sporty óneri. Bul oıynǵa bilekti de júrekti jigitter menbeldi attar irikteledi. Jeńiske jetý úshin de tulpar men sportshynyń birlesip áreket etkeni asa mańyzdy. Serkeni jerden alyp úlgergen shabandoz dodany jaryp ótip, ony qarsylas komandanyń qazandyǵyna salýy kerek.
