Amerıkalyq kovboılar erekshe balalarǵa atqa minýdi úıretti
ASTANA. KAZINFORM — Dúnıejúzilik kóshpendiler oıynyna qatysýǵa Qazaqstanǵa kelgen amerıkalyq kovboılar bir kúnin erekshe balalarmen birge ótkizdi.
Kovboılar Astana mańyndaǵy «Qazaq úıi» sharýa qojalyǵynda № 96 mektep-gımnazııasynyń ınklıýzıvti bilim alatyn oqýshylarymen kezdesti.
Kovboılar lassomen óner kórsetip, atqa miný daǵdylaryn úıretti, sóıtip balalarǵa keremet kóńil-kúı syılady.
Shara barysynda Mádına Qýandyq júnnen jasalǵan ónimderdi tanystyryp, sheberlik saǵatyn ótkizip, qazaq ónerin qonaqtarǵa túsindirdi.
«Osyndaı mádenı almasý múmkindigin usynǵan qojalyq ıesine sheksiz alǵys aıtamyz» deıdi Amerıka Qurama Shtattarynyń Qazaqstandaǵy elshiliginen.
Eske sala keteıik, amerıkalyq kovboılar komandasy 6 qyrkúıekte V Dúnıejúzilik kóshpendiler oıynyna qatysýǵa Qazaqstanǵa kelgen edi.
Qazaqtarmen kókpar oınap, 18:0 esebimen utyldy.
Amerıkalyq jazýshy, jýrnalıst, kókpardan AQSh quramasynyń múshesi Ýıll Grant qazaqstandyq jylqylar týraly kitap jazatynyn aıtty.
