Amerıkalyq ınjenerler Armenııadaǵy TRIPP baǵytyn zertteýge kiristi

ASTANA. KAZINFORM – AQSh-tyń tehnıkalyq delegatsııasy «Tramp baǵyty» (TRIPP) jobasynyń aýmaǵyn zertteý úshin Armenııaǵa keldi, dep habarlaıdy Kazinform agenttiginiń menshikti tilshisi. 

AQSh-tyń Armenııa Respýblıkasyndaǵy elshiligi Facebook-tegi paraqshasynda AECOM ınjenerlik-konsaltıngtik kompanııasynyń toby TRIPP jobasyn iske asyrýǵa arnalǵan ýchaskeni zertteýdi bastaý úshin elge kelgenin habarlady.

Dıplomatııalyq mıssııa naqtylaǵandaı, bul sapar AQSh-tyń «Tramptyń halyqaralyq beıbitshilik pen órkendeý baǵyty» (TRIPP) bastamasynyń aıasynda júzege asyrylyp otyr.

AECOM mamandary Armenııadaǵy ýchaskede temirjol men onymen baılanysty ınfraqurylymdy jobalaý boıynsha tehnıkalyq-ekonomıkalyq negizdeme júrgizip, usynystar daıyndaıdy. Jobanyń iske asyrylýy Armenııanyń uzaq merzimdi ekonomıkalyq ósýine, kólik baılanysyn damytýǵa jáne aımaqtyq ıntegratsııaǵa septigin tıgizedi dep kútilip otyr. 

Buǵan deıin AQSh vıtse-prezıdenti aqpan aıynda Armenııa men Ázerbaıjanǵa resmı saparmen baratynyn jazdyq. Sapar barysynda birqatar strategııalyq másele boıynsha qujatqa qol qoıý josparlanyp otyr. AQSh prezıdenti Donald Tramp bul týraly Truth Social áleýmettik jelisinde jazdy.