Amerıkalyq bombalaýshy ushaqtar Venesýelaǵa múmkindigin kórsetedi

ASTANA.KAZINFORM - Tramp ákimshiligi AQSh-tyń Nıkolas Madýro úkimetine qarsy áskerı qysymyn kúrt kúsheıtti, dep habarlaıdy The New York Times.

Sársenbi kúni Lýızıanadan kelgen eki B-52 bombalaýshysy birneshe saǵat boıy Venesýela jaǵalaýynda halyqaralyq áýe keńistiginde ushty.

AQSh qurlyq kúshteriniń 160-shy Arnaıy operatsııalar avıatsııalyq polkine tıesili tikushaqtar (alty MH-6 little Bird jáne úsh MH-60 Black Hawk) Venesýela mańyndaǵy Karıb teńiziniń ońtústiginde jattyǵý reısterin oryndady.

Karıb teńizi aımaǵynda AQSh áskeri aıtarlyqtaı artqan. Qazir munda 10 myńǵa jýyq amerıkalyq áskerı qyzmetshi bar, olardyń kópshiligi Pýerto-Rıkodaǵy bazalarda, sondaı-aq amfıbııalyq kemelerde 2200-ge jýyq teńiz jaıaý áskerleri ornalasqan. Karıb teńizi aımaǵynda barlyǵy segiz áskerı keme jáne AQSh Áskerı-teńiz kúshteriniń súńgýir qaıyǵy bar.

Qyrkúıek aıynyń basynan bastap AQSh-tyń arnaıy operatsııalar kúshteri Venesýela jaǵalaýyndaǵy bes kemege soqqy berdi. Olar Aq úıdiń aıtýynsha, esirtki tasymaldaǵan. Nátıjesinde 27 adam qaza tapty.

Buǵan deıin Ortalyq barlaý basqarmasyna Venesýelada qupııa operatsııa júrgizýge ruqsat berilgeni habarlanǵan bolatyn.