Amerıkalyq ánshi qaıyrymdylyq qorlaryna qarjy bóldi
ASTANA. KAZINFORM — Amerıkalyq ánshi Teılor Svıft Rojdestvo merekesine oraı, túrli qaıyrymdylyq qorlaryna 2 mıllıon dollardan astam qarjy aýdardy, dep habarlaıdy NBC News.
Kommertsııalyq emes qorlar ánshige merekede kórsetken qoldaýy úshin alǵys aıtty.
Uıymdardyń málimetinshe, Svıft AQSh-taǵy «Feding America» ashtyqpen kúresetin qory men Amerıka kardıologııalyq qaýymdastyǵyna (AHA) bir mıllıon dollardan berdi. Sonymen qatar, ol qıyn ómirlik jaǵdaıǵa tap bolǵan mýzykanttarǵa kómek kórsetetin MusiCares qoryna qomaqty qarjy aýdardy.
Amerıkandyq kardıologııalyq qaýymdastyq ánshiniń úlesi ǵylymı zertteýlerdi ilgeriletýge, júrek-qan tamyrlary aýrýlarynyń aldyn alýǵa jáne medıtsınalyq kómekke qoljetimdilikti keńeıtýge kómektesetinin atap ótti.
Country Music akademııasy túsken tabys densaýlyǵyna baılanysty qarjylyq qıyndyqtarǵa tap bolǵan ártisterge kómektesetin ACM Lifting Lives baǵdarlamasyna jumsalatynyn habarlady.
Rojdestvolyq qaıyrymdylyq sharasy ánshiniń belsendi áleýmettik ustanymynyń jáne gýmanıtarlyq bastamalardy kópten beri qoldap kele jatqanynyń taǵy bir dáleli boldy.
Aıta keteıik, búgin álem katolıkteri Rojdestvo merekesin toılaıdy.