Amerıkalyq akter Mettıý Perrı 54 jasynda ómirden ótti

«Dostar» telehıkaıasyndaǵy Chendler rólin somdaǵan tanymal akter Mettıý Perrı 54 jasynda qaıtys boldy. Bul týraly Los-Andjeles polıtsııasyna silteme jasap The Los Angeles Times jáne TMZ basylymdary, sondaı-aq akterdiń ókiline silteme jasaǵan NBC habarlady. Kazinform agenttigi bul týraly Golos Amerıkı agenttigine silteme jasap habarlaıdy.

Akter óliminiń yqtımal sebebi - sýǵa batý.

Belgili akter Kalıfornııadaǵy úıindegi djakýzıden tabyldy, dep habarlaıdy The Los Angeles Times.

Amerıkalyq BAQ-tyń habarlaýynsha, 911 nómirine qońyraý jergilikti ýaqyt boıynsha 16:07-de túsken.

“Drýzıa” telehıkaıasynan basqa, Perrı sonymen qatar “Toǵyz ıard” (“The Whole Nine Yards”), “Asyqsań - adamǵa kúlki bolasyń” (“Fools Rush In”) fılmderinde, “Batys Qanaty” telehıkaıasynyń birneshe epızodynda, t.b. kóptegen fılmderge túsken.

2022 jyly Mettıý Perrıdiń “Dostar, súıiktiler jáne bir sumdyq zat” (“Friends, Lovers, and the Big Terrible Thing”) kitaby jaryqqa shyqty. Onda akter óziniń ishimdikke qatysty problemalary men aýyrsynýdy basatyn preparattarǵa táýeldiligi týraly baıandap berdi.