Amerıkaǵa sapar shekken QR Aýyl sharýashylyǵy mınıstri qandaı máselelerdi kóterdi

NUR-SULTAN. QazAqparat – QR Aýyl sharýashylyǵy mınıstri Erbol Qarashókeev Amerıka Qurama Shtattaryna resmı sapary aıasynda áriptesterimen ekijaqty yntymaqtastyq, ınvestıtsııalar, klımattyń ózgerýi máselelerin talqylady, dep habarlaıdy QazAqparat.

QR AShM-nan málim etkendeı, E.Qarashókeev AQSh Aýyl sharýashylyǵy mınıstrliginiń halyqaralyq máseleler jónindegi aýyl sharýashylyǵy qyzmetiniń basshysy Denıel Ýıtlımen kezdesti.

Qazaqstandyq mınıstrdiń aıtýynsha, AÓK ónimderiniń taýar aınalymy osy jyldyń segiz aıynda 77,5 mln dollardy qurady. AQSh-qa eksport 86 ese artyp, 1,9 mln dollardy qurady.

«Qazaqstan óńdelgen aýyl sharýashylyǵy ónimderin jetkizý kólemin odan ári arttyrýǵa daıyn ekenin atap ótkip keledi. Qazaqstanǵa ımporttyń 12,4% tómendegenin atap ótken jón, ol 75,5 mln dollardy qurady», - dedi Erbol Qarashókeev.

Vedomstvo basshysy Denıel Ýıtlıdi habardar etkendeı, Qazaqstanda 2025 jylǵa qaraı áleýmettik mańyzy bar negizgi azyq-túlik taýarlaryna jergilikti qajettilikti 100% jetkizý kútilip otyr.

«Amerıkalyq ozyq tehnologııalar men baı tájirıbelerdi engizý ózara tıimdi protsess bolar edi. Osylaısha, biz birlesken ǵylymı zertteýler júrgizýdi, kadrlar daıarlaý jáne ekstenshn boıynsha amerıkandyq tehnologııalar men bilim berý baǵdarlamalarynyń transfertin usynamyz», - dedi E. Qarashókeev.

Klımattyń ózgerýi máselelerin talqylaý kezinde mınıstr aldaǵy 35 jylda álemdik aýylsharýashylyq salasy álem halqynyń ósýin, jer, sý jáne energetıkalyq resýrstar úshin básekelestiktiń kúsheıýin, klımat ózgerisiniń ekzıstentsıaldy qaterin qosa alǵanda qysymnyń san alýyn túrimen betpe-bet keletinin atap ótti.

«Sondyqtan damyǵan elderdiń agrarlyq saıasaty azyq-túlik sektoryn turaqty damytý tujyrymdamasyna negizdeledi. Turaqtylyq úsh komponenttiń teńgerimdi damýyna negizdelgen – turaqty óndiris, turaqty ekologııa jáne turaqty áleýmettik komponent. Olardyń birin elemeý júıeniń tepe-teńdigin buzady», - dedi Erbol Qarashókeev.

Sondaı-aq, vedomstvo basshysy aýyl sharýashylyǵyndaǵy tómen kómirtekti damytý úshin AQSh-tyń tabysty ádistemeleri men tájirıbelerin qarastyrýǵa daıyn ekenin jetkizdi.

Kezdesý qorytyndysy boıynsha taraptar barlyq aspektiler boıynsha yntymaqtastyqty jalǵastyrý týraly ýaǵdalasyp, kezdesý syndarly jáne áriptestik dıalog jaǵdaıynda ótkenin atap ótken.

Sondaı-aq spar barysynda Aýyl sharýashylyǵy mınıstri Erbol Qarashókeev Dúnıejúzilik banktiń basshylyǵymen, turaqty damý jónindegi vıtse-prezıdenti ıÝrgen Fegelemen, ornyqty damý jónindegi óńirlik dırektory Stıven Shonbergermen, sondaı-aq aýyl sharýashylyǵy jáne azyq-túlik salasyndaǵy jahandyq praktıka jónindegi dırektory Martıen van Nıýkýoppen kezdesti.