Amerıkaǵa kirý talaptary qatańdatyldy

ASTANA. KAZINFORM — Amerıka Qurama Shtattarynyń Azamattyq jáne ımmıgratsııalyq qyzmeti (USCIS) turaqty turýǵa, azamattyq alýǵa nemese elge kirýge úmitkerlerge qoıylatyn talaptar tizimin jańartty. 

Endi barlyq kelýshiler antıamerıkalyq kózqarastar men áreketter úshin tekseriledi.
USCIS endi elge kirý týraly ótinishterdi qaraý kezinde antıamerıkalyq jáne antısemıttik kózqarastardy, ásirese antısemıttik lańkestik uıymdarmen baılanystardy ilgeriletýdi nemese qoldaýdy «óte jaǵymsyz faktor» retinde qarastyrady. Sonymen birge agenttik qujatta antıamerıkalyq kózqarastardyń naqty neden turatynyn kórsetpeıdi.

The Wall Street Journal-dyń jazýyna qaraǵanda,  bul «qyrǵı-qabaq soǵys» kezindegi, kommýnıstik partııa músheleriniń elge kirýine tyıym salynǵan kezdegi normalarǵa óte uqsas.

Teris faktorlarǵa dástúrli túrde aýyr qylmystar, nashaqorlyq, mas kúıinde kólik júrgizý jáne jol qozǵalysy erejelerin únemi buzý jatady. Joǵary bilim, turaqty jumys tájirıbesi, otbasy múshelerine qamqorlyq, qoǵamdyq ómirge qatysý oń faktorlar bolyp tabylady.

Eske sala keteıik, AQSh 6000-nan astam halyqaralyq stýdenttik vızanyń kúshin joıdy.