Amerıkaǵa qashyp ketken Qazaqstannyń 3 azamaty ustaldy

NUR-SULTAN. QazAqparat – Amerıkaǵa boı tasalaǵan Qazaqstannyń úsh azamaty ustalyp, elge jetkizildi. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

«Qazaqstan ІІM Interpol Ulttyq ortalyq bıýrosy AQSh-tyń quziretti organdarynyń kómegimen Amerıka aýmaǵynda jasyrynyp júrgen úsh qazaqstandyq anyqtap, ustady. Olarǵa Nur-Sultan men Almaty qalalarynda iri kólemde alaıaqtyq jasaǵandary úshin elimizdiń polıtsııasy suranysymen halyqaralyq izdeý jarııalanǵan bolatyn», - dedi Nurdildá Oraz Іshki ister mınıstrliginde ótken baspasóz máslıhaty barysynda.

Onyń atap ótýinshe, óten aptada izdeýge bolǵan adamdar Qazaqstanǵa jetkizilip, ýaqytsha oqshaýlaǵyshqa qamaldy.

«Aıta keterligi, sońǵy ýaqytta shet memleketterdiń aýmaǵynda ustalatyndaryń geografııasy aıtarlyqtaı keńeıe tústi. Máselen, sońǵy 5 jylda izdeýge adamdar TMD elderinde, sonymen qatar GFR, Grýzııa, Túrkııa, AQSh, Izraıl, Arab Ámirlikteri, Fınlıandııa, Ulybrıtanııa, Kanada, Senegal, Ispanııa, Taıland, Rýmynııa, Portýgalııa, Bolgarııa, Avstrııa, Qytaı, Shvetsııa, Makedonııa, Polsha, Danııa, Grekııa, Horvatııa syndy elderde anyqtalyp, ustaldy», - dedi resmı ókil.