Amerıkadaǵy júrgizýshilerdiń eshbiri polıtseılerge para usynýǵa bata almaıdy - Dımash Nııazov
ShYMKENT. QazAqparat - Amerıkadaǵy júrgizýshilerdiń eshbiri polıtseılerge para usynýǵa bata almaıdy. Bul týraly Nıý-Iorktyń úzdik tártip saqshysy Dımash Nııazov Shymkenttiń jergilikti polıtsııa bastyǵy Danııar Meıirhanmen kezdesý barysynda aıtty. Resmı emes jaǵdaıda ótken kezdesýde qos polıtseı eki eldiń ishki ister qyzmeti salasyn talqylap, ózara pikir almasqan. Bul týraly Danııar Meıirhan áleýmettik jelidegi paraqshasynda jazdy, dep habarlaıdy QazAqparat HAA tilshisi.
Aıta keteıik, Shymkenttiń týmasy Dımash Nııazov búginde Nıý-Iorkte polıtseı qyzmetin atqaryp júr. Amerıkaǵa 13 jasynda kóship ketken qazaq jigiti úsh jyldan beri NYPD (New York City Police Department) qarasty Brýklın aýdanynda qoǵamdyq tynyshtyqty kúzetedi. Kásibı bokspen aınalysatyn qyzmetker osy jyldyń qańtar aıynda úzdik polıtseı atanǵan bolatyn. Shymkenttik polıtseı sheteldik áriptesimen bolǵan kezdesýden soń óz oıyn ashyp kórsetedi.
«Mamandyqta tabysqa jetý úshin úlken jumys ótili bolý shart emes. Bastysy - óz isińdi súıý jəne prıntsıpterińe adal bolý. Jaqynda Nıý-Iorktiń eń myqty polıtseıimen kezdestim. Dımash Nııazov óz isin jaqsy biletin jigit. Qarapaıym. Ol da men sııaqty bokspen, jalpy sportpen shuǵyldanady eken. Dımashtyń Nıý-Iorktegi jumysy da bizdiń jol-patrýldik polıtsııa qyzmetkerleriniń jumysy sııaqty.
Dımash amerıkalyq polıtseılerdiń qalaı jumys isteıtini týraly aıtyp berdi. Amerıkada polıtseıler eshbiri quqyq buzýshylardy jəne basqalardy qorqytýǵa tyryspaıdy, kerisinshe olarmen birge. Ol jaqta bəri zańdy buljytpaı oryndaıdy eken, sondaı-aq belgilengen erejeni buzý eshkimniń oıyna da kelmeıdi eken. Mysaly, qurama shtattarynda polıtseıler tərtip buzýshylardy toqtatqan kezde, erekshe təsilmen, ıaǵnı belgilengen jaǵynan kelip toqtatady eken, al seriktesi eshqashan kólikte qozǵalmaı otyryp almaıdy. Amerıkada formadaǵy adamnyń ərbir qadamy óziniń jəne azamattardyń qaýipsizdigi úshin belgilenip qoıǵan. Al olardaǵy materıaldyq-tehnıkalyq bazanyń ózi qandaı! Ərbir patrýl turǵyndardyń barlyǵyn qamtıtyn derekter bazasymen qamtamasyz etilgen. Polıtsııa qyzmetkeri toqtatqannan keıin, sanaýly mınýttar ishinde qol-saýsaq izderi arqyly aldynda turǵan adamnyń kim ekenin jəne basqa patrýlderdiń ózderinen qandaı qashyqtyqta ekenin bile alady.
Amerıkalyq polıtsııada qyzmetkerlerdiń kəsibı sheberlikterin kóterýge óte baısaldylyqpen qarap, ony jumysta jańa tehnologııany paıdalanýǵa úıretedi. Sonymen qatar amerıkalyq polıtseıler abyroılaryn qatty qorǵaıdy, al sybaılas jemqorlyq janjaldary ol jaqta sırek qubylys. Júrgizýshilerdiń eshbiri formadaǵy adamǵa para usynýǵa bata almaıdy, - deıdi Dımash. Biz eki saǵattan səl asa ýaqyt suhbattastyq. Endi meniń əriptesimniń qyzmettik bólmesin elinen estelik retinde QR ІІM-niń gerbi bederlengen qalamdar kóriktendiretin bolady», - dep jazady D.Meıirhan.
Jergilikti polıtsııa bastyǵy, sondaı-aq, Dımash Nııazovtyń ózin Nıý-Iorkti kórýge shaqyrǵanyn aıtady. Ol aldaǵy eńbek demalysynda osy múmkindikti paıdalanyp, amerıkalyq əriptesiniń təjirıbesin zerdelegisi keletinin jazǵan.
