Amerıkadaǵy prezıdent saılaýy: Búgin – sheshýshi kún
NUR-SULTAN. QazAqparat – Seısenbiniń tańynan AQSh-ta daýys berýshiler saılaý ýchaskeleriniń aldynda (kóbi tańǵy altydan ashylǵan) uzyn-sonar kezekke turǵan. 3 qarasha – eldegi prezıdent saılaýynyń sheshýshi kúni. Alaıda daýys berýshilerdiń kóbi, shamamen 100 mln adam, daýystaryn poshta arqyly joldap aldyn ala daýys berip qoıǵan, dep habarlaıdy euronews.com.
Respýblıkalyq partııa atynan saılaýǵa túsip jatqan kandıdat jáne qazirgi el prezıdenti Donald Tramp Vırgınııa shtatyndaǵy saılaýaldy kompanııasyn aıaqtap, óziniń saılaý shtabynyń júzge tarta múshesin Aq úıdiń Shyǵys jaq bólmesine shaqyrǵan. Onda olar 4 qarasha kúni túnde shyǵatyn saılaýdyń aldyn ala nátıjelerin birge kútpek.
Donald Tramp Tvıtterde Village People dısko-tobynyń mýzykasyn qoıyp, óz jaqtastaryn daýys berýge shaqyrdy.
Demokratııalyq partııa atynan saılaýǵa túsip jatqan kandıdat Djo Baıden de osyndaı úndeý tastaǵan, tek mýzykasyz. Ol óziniń saılaýaldy týryn Pensılvanııada aıaqtady.
Nur-Sultan ýaqytymen tańǵy 6-da shyǵys shtattardaǵy saılaý ýchaskeleri daýysty sanaý úshin jabylady. Eń sońǵy bolyp, osydan 6 saǵat ótken soń, Alıaskadaǵy saılaý ýchaskeleri jabylady.
Aldyn ala daýys bergen jurttyń qarasy kóp bolǵandyǵyna baılanysty saılaý ýchaskelerindegi saýalnamanyń málimeti saılaý qorytyndysyndaǵy málimetpen saı bolmaýy múmkin.
