Amerıkadaǵy qazaq dárigeri Shymkentte kúrdeli otalar jasady

ShYMKENT. QazAqparat - Amerıkada turatyn qazaq dárigeri Shymkentte jergilikti mamandarmen tájirıbe bólisti. Professor Joldas Quljanov  jergilikti hırýrgtarmen jaraqattan saý-tamtyǵy qalmaǵan aǵzany qaıta qalpyna keltirý boıynsha kúrdeli otalar jasady, dep habarlaıdy QazAqparat tilshisi.

Joldas Quljanov úshkúndik sapary barysynda jergilikti dárigerlerge sheberlik sabaqtar ótkizedi. Sondaı-aq súıekterdiń zaqymdanýynan zardap shegip júrgen naýqastarǵa tegin keńes bermek.

Búgin sheteldik qazaq dárigerimen Shymkent qalalyq Densaýlyq saqtaý basqarmasy jáne Ońtústik Medıtsına akademııasy úshjaqty kelisimge qol qoıdy. Taraptar memorandým aıasynda aralas aýyr jaraqattardy emdeý jáne qalpyna keltirý jónindegi medıtsınalyq sharalardy birlesip júzege asyrmaq.

Aıta keteıik, medıtsına ǵylymynyń doktory, professor Joldas Quljanov 26 jyl boıy Amerıkada eńbek etip keledi. Segiz tildi meńgergen, álemniń 42 elinde bolǵan. AQSh-qa kelgenge deıin bes jyl Nıkaragýada jumys istegen.  Búginde AQSh-tyń Mıssýrı shtaty, Sent-Lýıs qalasynda ýnıversıtettik emhananyń ortopedııa departamentiniń basshysy, AQSh-tyń ortopedııa jáne travmatologııa qaýymdastyǵynyń jáne ASAMI múshesi.