Amerıkadaǵy boks keshinde birden úsh qazaqstandyq jekpe-jek ótkizedi

ASTANA. QazAqparat - Qazaqstandyq úsh boksshy 28 shilde kúni Amerıkanyń Ostın qalasyndaǵy (Tehas shtaty) keshte jekpe-jekterin ótkizedi, dep habarlaıdy Sports.kz.

Aýyr salmaqtaǵy Áli Baloevtyń (4-0, 3 KO) qarsylasy ázirge belgisiz. Biraq BoxRec.com-nyń habarlaýynsha, kezdesýde birinshi aýyr salmaqta bos turǵan NABF Junior tıtýly sarapqa salynady.

Sondaı-aq Austin Sports Center arenasynda ótetin boks keshinde basqa da jerlesterimiz rıngke shyǵady. Ekinshi asa jeńil salmaq sanatynda Eskendir Harsan (3-0, 3 KO) meksıkalyq Manýel Rýbalkavamen (4-27) judyryq túıistiredi. Al birinshi aýyr salmaqtaǵy Ashat Jantursynov Amerıka ókili Maıkl Koronadoǵa (1-1-1) qarsy kásipqoı bokstaǵy debıýtin ótkizedi.