Amerıkadaǵy shatdaýn aıaqtaldy: Tramp bıýdjetke qol qoıdy
ASTANA. KAZINFORM — AQSh prezıdenti Donald Tramp buryn Kongrestiń eki palatasy da maquldaǵan aldaǵy eki aıǵa arnalǵan bıýdjet jobasyna qol qoıdy, dep habarlaıdy BBC.
Federaldy úkimet endi 43 kúndik úzilisten keıin jumysqa orala alady. Bul AQSh tarıhyndaǵy eń uzaq shatdaýn boldy.
Jobany Ókilder palatasynyń 222 múshesi qoldady, ony maquldaý úshin kópshiliktiń daýys berýi ǵana qajet boldy. Bıýdjet jobasy buǵan deıin AQSh Senatynda maquldanǵan bolatyn.
Sársenbide qabyldanǵan bıýdjet zań jobasy federaldy úkimetke taǵy eki aıdan astam ýaqyt, ıaǵnı 2026 jyldyń 30 qańtaryna deıin jumys isteýge múmkindik beredi.
Qabyldanǵan bıýdjet jobasy barlyq federaldy departament pen agenttikterdiń jumysyn qaıta bastaıtynyna jáne 2026 jyldyń 30 qańtaryna deıin qarjylandyrylatynyna kepildik beredi. Bul sondaı-aq jumysty toqtatý saldarynan federaldy qyzmetkerlerdi jumystan bosatý jáne jumystan shyǵarý toqtatylatynyn bildiredi.
President Trump signs bill to OFFICIALLY reopen the government, ending the Democrat Shutdown.
— The White House (@WhiteHouse) November 13, 2025
Let's get our country WORKING again. 🇺🇸 pic.twitter.com/QJqX90k9sC
AQSh-ta uzaqqa sozylǵan shatdaýn ekonomıka men jahandyq turaqtylyqqa qalaı áser etkenin myna materıaldan oqı alasyz.