Amerıkada jyl stýdenti atanǵan qazaqstandyq eskek esýden de chempıon boldy
«Elordadaǵy fızıka-matematıka baǵytyndaǵy zııatkerlik mektep túlegi Anýar Akchýrın baıdarka men kanoede esý boıynsha AQSh-tyń Tsıntsınatı qalasynda ótken ashyq chempıonatta birinshi oryndy enshiledi. Ol 2021 jyly da chempıon tıtýlyn alǵan bolatyn. Búginde halyqaralyq sanattaǵy sport sheberi atanǵan Anýar eskek esýmen on jyldan astam ýaqyt shuǵyldanyp keledi», - delingen NIS taratqan málimette.
Anýar Akchýrın 2017-2019 jyldar aralyǵynda 1000, 500 jáne 200 metr qashyqtyqta respýblıkanyń birneshe dúrkin júldegeri dep tanyldy. Sondaı-aq qazaqstandyq jas sportshy – 2016 jylǵy Ózbekstanda ótken Azııa kýbogynyń birinshi oryn ıegeri, 2018 jyly Slovakııada uıymdastyrylǵan halyqaralyq regatanyń jeńimpazy, Bolgarııada 200 metr qashyqtyqta jastar arasynda ótken 2018 jylǵy álem chempıonatynyń kúmis júldegeri, Ózbekstannyń Samarqand qalasynda 500 jáne 200 metrge esýden 2018 jylǵy Azııanyń eki dúrkin chempıony.
Elordadaǵy fızıka-matematıka baǵytyndaǵy NIS-tiń 2018 jylǵy túlegi Anýar Akchýrın bıyl Florıda tehnologııalyq ınstıtýtyn «mechanical engineer» mamandyǵy boıynsha (AQSh) támamdap, jyl stýdenti atandy.
Foto: nis.edu.kz
