Amerıkada jarylǵyshty izdeýdi kıborg shegirtkege júktemek
ASTANA. QazAqparat - Sent-Lýıstegi Vashıngton ýnıversıtetiniń zertteýshileri jarylǵysh izdeıtin kıborg shegirtke jasap jatyr. Osy joba úshin AQSh-tyń Áskerı-teńiz zertteýler basqarmasy 750 myń dollar grant bóldi, dep habarlaıdy ýnıversıtettiń saıty.
Jobanyń jetekshisi Baranıdharan Raman birneshe jyl buryn nasekomdardy zerttep júrip, olardyń sezý organdary qazirgi sensorlyq tehnologııalardan dálirek jumys isteıtindigin baıqaǵan. Ol jarylǵyshty izdeýde shegirtke jaqsy nátıje beredi dep sanaıdy. Eger oǵan belgili bir ıisterdi tanýdy úıretse ol ony basqa zattarmen aralastyrsa da bile alady.
Sonymen birge, shegirtkeniń mıy kelip túsken belgilerdi jyldam óńdeıdi. Oǵan jarylǵyshtyń ıisin anyqtaý úshin birneshe júzdegen mıllısekýnd jetkilikti.
Ǵalymdar jándiktiń osy neıron ımpýlsterin tanı alýy kerek. «Biz shegirtkege ota jasap onyń mıyna elektrod ımplanttaımyz. Birneshe saǵat ishinde shegirtke esin jınap eshteńe bolmaǵandaı júre beredi», -deıdi Raman.
Sondaı-aq zertteýshiler toby shegirtkeniń mıyndaǵy ımpýlstardy qabyldaıtyn arqasyna bekitilgen shaǵyn belgi berýshi qorjyn jasaıdy. Shegirtke izdeý jumystaryna kiriskende ol jasyl jaryq shyǵarsa, jarylǵysh tapqan kezde jaryq dıod qyzylǵa aýysady.
Kıborg shegirtkeniń alǵashqy nusqasy bir jyldan soń daıyn bolady, al al eki jyldan soń ol iske kirisedi dep kútilýde.
