Amerıkada taǵy da 5 mln kólik keri qaıtaryldy
ASTANA. QazAqparat - Kólik shyǵarýshy kásiporyndar japondyq Takata Corp kompanııasy shyǵarǵan qaýipsizdik qapshyǵymen jabdyqtalǵan 5 mln mashınany keri shaqyrýda. Óıtkeni jeltoqsan aıynda kemshiligi bar qaýipsizdik jabdyǵy saldarynan Ford kóliginiń júrgizýshisi kóz jumǵan.
The Wall Street Journal gazetiniń jazýyna qaraǵanda, qaýipsizdik qapshyǵy jarylyp ketedi, ári tysynyń bólikteri salonǵa shashyraıtyn bolyp shyqty. Sol arqyly jolaýshylardyń densaýlyǵyna zaqym keledi, keı jaǵdaıda ólimge ákelip soǵady.
Kólikterdi qaıta jabdyqtaý týraly sheshimdi AQSh-tyń ulttyq jol qaýipsizdigi ákimshiligi (National Highway Traffic Safety Administration, NHTSA) ótken juma kúni qabyldaǵan, japondyq kompanııanyń qaýipsizdik jabdyǵy ornatylǵan kólikterdiń keri shaqyrylǵandarynyń jalpy sany 24 mln-ǵa jetti.
Baqylaýshy organnyń sheshiminiń qatysy bar avtomobılder sany áli de naqtylaný ústinde.
Takata kompanııasyna qarsy AQSh-ta qylmystyq tergeý júrgizilýde, oǵan aıyppul salynǵan.
