Amerıkada sýret salatyn eshki jergilikti juldyzǵa aınaldy - VIDEO
ASTANA. QazAqparat - AQSh-tyń Nıý-Meksıko shtatynyń Albýkerke qalasyndaǵy bıoparkte sýret salatyn eshki bar.
Janýarlar baǵynyń qyzmetkeri Krıstın Raıt eshkige sýret salýdy úıretken jáne onyń bul múmkindigin damytýǵa nıetti ekenin aıtty. Kelýshilerdiń kóbi Bodıdiń talantyna tánti. Olar aı saıyn eshkiniń bul erekshe qabileti damyp kele jatqanyn aıtady, dep habarlady Mignews.
Janýarlar baǵynyń menedjeri Lınn Týpa sýret salatyn Bodı «tańǵajaıyp qubylys» ekenin aıtty. Krıstın boıaýdy aralastyryp, tıisti tústi tańdap, oǵan boıaý jaqqyshty malyp, Bodıdiń aýzyna salady, ary qaraı eshki qalaýynsha sýret salady.
