Amerıkada polıtseı kınoteatrda tynysh otyrmaǵan adamdy atyp óltirdi
ASTANA. 14 qańtar. QazAqparat - AQSh Florıda shtatynda kınoteatrda kórermender arasynda týyndaǵan janjal atyspen aıaqtaldy.
Saldarynan bir adam qaza boldy, taǵy bireýi jaraqat aldy. Kúdikti retinde polıtsııanyń burynǵy qyzmetkeri 71 jastaǵy Kertıs Rıvz ustaldy. Ýtro. rý portalynyń habarlaýynsha, fılm bastalǵansha marqum jigit 3 jasar qyzyna telefon arqyly habarlama jibermek bolady. Kıno qaraǵanda artyq shýdy jaqtyrmaıtyn artynda otyrǵan Rıvz odan telefonyn óshirip qoıýdy ótingen. Alaıda ol oǵan mán bere qoımasa kerek. Sodan aralarynda janjal týyp, polıtsııa qyzmetkeri tapanshasyn alyp shyǵyp, ata bastaıdy. Nátıjesinde er adam sol jerde jan tapsyrdy, al onyń áıeli aýyr jaraqat aldy.
