Amerıkada oqıtyn qazaqstandyq RBK bankindegi aqshasyn ala almaı júr
Parlamen Senatynyń otyrysynda senator banktegi ahýalǵa qatysty shetelde qıyndyq kórip jatqan adamdardy mysalǵa keltirdi.
«Maǵan uly Amerıkada oqıtyn stýdenttiń anasy habarlasty. Ol balasynyń oqýynyń tólemi úshin aqsha aýdarǵan. Aqyry, stýdenttiń anasy Qazaqstandaǵy atalǵan banktiń bas keńsesine barýǵa májbúr bolǵan. Al bankte oǵan lımıt 50 myń teńgeden asyp ketkendikten, stýdenttiń aqshany sheship ala almaıtynyn aıtqan. AQSh-ta qarajatty sheship alýǵa shekteý bolmasa da, stýdent aqshasyn ala almaı otyr», - deıdi Perepechına.
Bul jaǵdaıǵa qatysty QR Ulttyq banki tóraǵasynyń orynbasary Alpysbaı Ahmetov «Bank RBK» AQ qıyn jaǵdaıda turǵanyn atap ótti.
«Eger bank óziniń klıentteriniń aldyndaǵy mindettemelerin oryndamasa, onyń ahýaly qıyn ekendigin bildiredi», - dedi Ahmetov.
Sonymen birge, QR Ulttyq banki tóraǵasynyń orynbasary «Bank RBK» jaǵdaıyn retke keltirý úshin qansha qarajat qajettigi týraly saýalǵa da jaýap berdi.
«Qazirgi ýaqytta qansha qarajat kerektigi týraly aıta almaımyn. Ultty bank atalǵan qarjy uıymynyń aktsıonerine máseleni naqty sheshý josparyn usynýdy tapsyrdy. Qazir aktsıonerden naqty usynys kútip otyrmyz. Basqa eshqandaı aqparat joq. Nesıe berýshilermen, aktsıonerlermen kelissózder júrip jatyr. RBK bankinde zańdy tulǵalardyń, kvazımemlekettik sektordyń depozıtteri bar. Sol sebepti birinshiden aktsıonermen, ekinshi jaǵynan iri nesıe berýshilermen kelissóz júrgizip jatyrmyz», - deıdi Ahmetov.
Ahmetov qazirgi ýaqytta aktsınerden jaýap kútip otyrǵanyn jetkizdi.
«Másele boıynsha usynys túspeı jatyp sheshimdi qarastyra almaımyz. Aktsıonerdiń aıryqsha quqyǵy baryn eskerýimiz kerek. Eger onyń bank jumysyn retke keltirý boıynsha jospary bolsa, oǵan álbette kómek kórsetiledi. Al eger aktsıonerdiń múmkindigi bolmasa, máseleniń jóni basqa», - deıdi tóraǵanyń orynbasary.
