Amerıkada narkobaronnyń burynǵy úıinde jasyrylǵan «qazynaly» seıf tabyldy
ASTANA. QazAqparat - Qaıtys bolǵan narkobaron Pablo Emılıo Eskobardyń buryn menshiginde bolǵan Maıamı-Bıchtegi (Florıda shtat) vıllada jasyrylǵan seıf tabyldy. Úıdiń qazirgi ıeleri onda qazyna bolýy múmkin, dep otyr.
Jergilikti basylymdardyń jazýyna qaraǵanda, Krıstıan de Berdýar men onyń kelinshegi úıdi jóndeýden ótkizip jatqanda buzǵan qabyrǵanyń arasynan seıf shyqqan. Erli-zaıyptylar vıllany 2014 jyly 9,65 mln dollarǵa satyp alǵan bolyp shyqty.
Seıftiń kólemi 60 -ta 60 sm bolsa da ólshegende salmaǵy 317,5 kelige jetken. Ony tapqandar ishinde salmaǵy aýyr altyn, gaýhar bolýy múmkin dep dámelenip otyr. Qazir seıf ashylmaǵan, buzylmaǵan, qylmyskerlerden tasalaý úshin bankke saqtaýǵa qoıylǵan.
Esirtki satýshy alpaýyt Eskobar bul úıdi 1980 jyly 762,5 dollarǵa satyp alypty, alaıda arada jeti jyl ótkende Amerıka bıligi ony tárkilep aýktsıon arqyly satýǵa qoıǵan.
