Amerıkada muǵalim mektepte atys uıymdastyrdy
ASTANA. QazAqparat - Amerıkanyń Djordjııa shtatynda áleýmettik ǵylymdar muǵalimi atys uıymdastyrdy. Bul týraly ABC Newshabarlady.
«Djordjııa shatatyndaǵy joǵary mektepte qarýlanǵan muǵalim synypta bir ózi esikti bekitip alyp, keıin qarýdan ata bastaǵan», - delingen polıtsııa aqparatynda.
Atys barysynda aýdıtorııada eshkim bolmaǵandyqtan zardap shekkender joq. Atap ótilgendeı, mektepti evakýatsııalaý barysynda bir oqýshy qyz aıaǵyn jaraqattap aldy.
Jergilikti polıtsııa ókili Brıýs Freızer muǵalim jarty saǵat qarsylyq bildirgennen keıin tártip saqshylarynyń qolyna túskenin aıtty.
Ol - 53 jastaǵy pedagog Djessı Rendall Devıdsen. Sondaı-aq ol atalmysh bilim ordasynda fýtboldan kommentator bolyp jumys istegen.
Eske salaıyq, aǵymdaǵy jyldyń 14 aqpany kúni Florıda shtatyndaǵy Stoneman Douglas joǵary mektebinde 17 jastaǵy Nıkolas Krýz atys uıymdastyryp, saldarynan 17 adam qaza boldy.
