Amerıkada maımyl sheshegine baılanysty tótenshe jaǵdaı jarııalandy

NUR-SULTAN. QazAqparat - Amerıka Qurama Shtattary maımyl sheshegi vırýsynyń órshýin densaýlyq saqtaý salasyndaǵy tótenshe jaǵdaı dep jarııalady, dep habarlaıdy QazAqparat golosameriki.com saıtyna silteme jasap.

Eldegi tótenshe jaǵdaı rejımi týraly beısenbi kúni AQSh-tyń Densaýlyq saqtaý jáne halyqqa qyzmet kórsetý mınıstri Ksave Beserra málimdedi. Prezıdent Djo Baıden Kalıfornııa, Illınoıs jáne Nıý-Iork shtattarynyń órship bara jatqan ınfektsııalarǵa shuǵyl áreket etýdi jarııalaǵannan keıin, 2 tamyzda Aq úıdiń eki joǵary laýazymdy sheneýnigin ákimshiliktiń maımyl sheshegine qarsy áreketiniń úılestirýshisi retinde taǵaıyndady.

Sársenbidegi jaǵdaı boıynsha, AQSh-ta aýrý juqtyrǵandar sany 6,6 myńnan asty. Olardyń basym kópshiligi LGBT ókilderi.

Alǵash ret 1958 jyly maımyldardan tabylǵan bul aýrý salystyrmaly túrde jeńil belgiler týdyrady, sonyń ishinde bezgek, aýyrsyný jáne teriniń irińdeýi bar.

Dúnıejúzilik densaýlyq saqtaý uıymynyń málimetinshe, vırýsqa shaldyqqan adamdar densaýlyǵy eki-tórt aptanyń ishinde qalpyna keledi.

DDU-nyń tıisti sheshimderi sheshekke qarsy vaktsına jáne vırýsty emdeý quraldarymen almasý boıynsha yntymaqtastyqty qarjylandyrýdy jeńildetedi.

Foto: Reuters