Amerıkada qazaqstandyqty óltirip, aqtalyp shyqqan burynǵy polıtseıdiń isi qaıta qaralýy múmkin
ALMATY. QazAqparat - Amerıkada qazaqstandyq Kırıll Denıakındi óltirip, aqtalǵan polıtseı jaqynda osyndaı qylmysy úshin 2,5 jylǵa sottalǵan polıtseı eger jańa mán-jaılar ashylsa, sot aldyna qaıta kelýi múmkin, dep sanaıdy advokat Aıman Omarova.
«Eger jańa mán-jaılar anyqtalsa, is qaıta qaralýy múmkin. Mundaı ister árdaıym qaıta qaralady. Bul barlyq elde bar, onyń ishinde Amerıkada da. Alaıda qaıta qaraý qalaı júrgiziletinin bilmeımin, sebebi amerıkalyq quqyq mamany emespin», - dedi A. Omarova.
Buryn habarlanǵandaı, burynǵy polıtseı Stıven Renkınge amerıkalyq jasóspirim Ýılıam Chepmendi qasaqana óltirgeni úshin AQSh-ta alqabıler soty 2,5 jylǵa túrmege qaraý úkimin shyǵarǵan.
12 adamnan turatyn alqabıler soty (7 áıel, 5 er adam) Renkındi qasaqana kisi óltirgeni úshin aıypty dep tanydy. Atalmysh bapta burynǵy polıtseıdi 10 jylǵa deıin túrmege qamaý kózdelgen, alaıda, nátıjesinde, ony 2,5 jylǵa bas bostandyǵynan aıyrý úkimi usynyldy.
Qazaqstandyqtyń anasy Elena Denıakına AQSh-qa sotqa qatysý úshin keldi, ol «jazataıym jaǵdaı boıynsha qurbysy» - qaza tapqan jasóspirimniń anasy Salı Chepmendi qoldamaq.
Eske salsaq, Ýılıam Chepmendi óltirý amerıkalyq polıtseıdiń mansabyndaǵy kisi ólimimen aıaqtalǵan ekinshi jaǵdaı, 2011 jyly sáýirde Stıven Renkın qazaqstandyq Kıoıll Denıakındi óltirdi. Onyń eki qurbany da qarýsyz bolǵan. Ol kezde qorǵanys retinde túsindirip, Renkınniń aıybyn alyp tastady.
Týystarynyń aıtýynsha, Kırıll AQSh-qa «Work & Travel» baǵdarlamasy boıynsha ketken. Sosyn qonaqúıde aspaz bolyp jumys isteýge qalǵan. Alqabıler sotynyń sheshimimen Qazaqstan azamaty Denıakındi óltirý isi jabylǵan. Denıakınder otbasynyń múddesin eki amerıkalyq advokat qorǵaǵan. Azamattyq talaparyzda jalpy somasy 22 mln dollar materıaldyq jáne moraldyq shyǵyn málimdelgen.
