Amerıkada qazaq boksshylarynyń tárbıesin joǵary baǵalaıdy - Qanat Islam
ASTANA. QazAqparat - Astanada ótken baspasóz máslıhatynda WBO Intercontinental jáne WBAFedelation belbeýleriniń ıegeri Qanat Islam Qazaqstannan shyqqan boksshylardyń negizgi artyqshylyǵyn ashyp berdi.
Sonyń arqasynda Qazaqstannyń talaı bokshylary kásibı bokstyń shyńyn baǵyndyrady, dep habarlaıdy QazAqparat tilshisi.
«Latyn Amerıkasynyń boksshylary bolsyn, basqa bokshylar bolsyn, tártibi onsha emes. Máselen, olar jarystan keıin araq iship, temeki tartyp júre beredi. Al qazaq boksshylarynda ondaı joq. Bizde tárbıe basqasha, dalada da, jattyǵý zalynda da tártipti saqtaımyz, jattyqtyrýshylar ákemizdeı bolyp ketedi. Sol tártibine bola, Amerıkada bizdiń boksshylarǵa suranys joǵary. Sebebi tártibi jaqsy adam kez kelgen ýaqytta jetistikke jete alady. Sondyqtan aldaǵy on jylda Qazaq eliniń jigitteri búkil álemdegi kásibı bokstyń bıikterin baǵyndyra alatyndyǵyna senimdimin», - deıdi «Qazaq».
Aıta keteıik , Qanat Islam Astanadaǵy EKSPO-2017 kórmesi aıasynda 9 qyrkúıekte kezekti jekpe-jegin ótkizýdi josparlap otyr. Onyń kelesi qarsylasy - AQSh boksshysy Djeıms Kırklend. Aldaǵy ýaqytta qazaqstandyq boksshy Gennadıı Golovkınmen jumys istep jatqan NVO arnasymen kelisimshartqa otyrýy ábden múmki n.
Baspasóz máslıhaty barysynda Qanat Islam syn aıtýshylarǵa da jaýap berdi. Sondaı-aq «GGG-Kanelo» jekpe-jegine boljam jasady .
