Amerıkada basqa páterge kirip ketken basketbolshyny atyp tastady
ASTANA. QazAqparat - AQSh-tyń Nıý-Orlean qalasyndaǵy «Pelıkans» basketbol klýbynyń qorǵaýshysy Braıs Dıjan-Djonsdy atyp ketti. Ol baratyn páterdiń esigin shatastyrǵan, al úıdegiler ony ury dep oılap qalǵan, dep habarlandy Ulttyq basketbol lıgasynyń (NBA) resmı saıtynda.
Polıtsııanyń málimdeýinshe, Dıjan-Djons esikti aıaǵymen syndyryp, páterge kirgen. Úı ıesiniń eskertýin basketbolshy elemegendikten, er adam qarý qoldanǵan.
23 jastaǵy sportshy aýrýhanaǵa jetkizildi. Alaıda ony dárigerler qutqara almady.
Dıjan-Djonstyń tanysynyń aıtýynsha, basketbolshy senbi kúni Dallasqa 1 jasqa tolǵan qyzynyń týǵan kúnine barǵan. Qyzdyń anasy jýyrda kóship ketken, al jańa páterdi ákesi baryp kórmegendikten ol úıdiń qabattaryn shatastyryp alǵan.
Eske sala ketsek, oqys oqıǵa bolǵan, Tehas shtatynyń zańyna sáıkes turǵyndarǵa ózin jáne páterin qorǵaý úshin úıge basyp kirgenderge qarý qoldanýǵa ruqsat berilgen.
